Styrkur frá dönskum stjórnvöldum

Stjórnvöld í Danmörku (Ministeriet for Videnskab, Teknologi og Udvikling, Styrelsen for international udvikling) bjóða fram styrki til háskólanáms í Danmörku skólaárið 2012-2013. Styrkirnir eru ætlaðir námsmönnum frá löndum innan Evrópusambandsins, svo og námsmönnum frá Íslandi, Sviss, Serbíu og Tyrklandi.

Styrkirnir eru ætlaðir til meistara- og doktorsnáms í danskri tungu og menningu svo og öðrum tengdum námsgreinum í allt að 2 misseri við háskóla eða samsvarandi stofnanir er heyra undir ráðuneyti vísinda, tækni og menntunar í Danmörku. BA-nemar sem stunda háskólanám í dönsku við erlenda skóla koma einnig til greina. Ennfremur geta erlendir námsmenn á öllum stigum framhaldsnáms sótt um styrki til að sækja sumarnámskeið.

Umsóknarfrestur um styrki til lengri námsdvalar er til 28. febrúar 2012 en
umsóknarfrestur um styrki til sumarnámskeiða er til 28. mars 2012.

Nánari upplýsingar um styrkina er hægt að nálgast á Danish Agency for International Education

Leiðbeiningar og umsóknareyðublöð fást einnig á vefsíðu Danish Agency for International Education

Nauðsynlegt er að umsækjendur kynni sér ítarlega allar upplýsingar og leiðbeiningar um hvernig skuli sækja um styrkina því að ófullnægjandi umsóknir verða ekki teknar til greina.
Öllum umsóknum frá ofantöldum 23 löndum um styrki til lengri námsdvalar eða til að sækja sumarnámskeið er safnað saman hjá danska ráðuneytinu þannig að ekki er vitað fyrirfram hvort einhver styrkur kann að koma í hlut Íslendinga.